Aksident i rëndë në Malishevë: Katër vetura përplasen, lëndohet një polic
Një shofer ka goditur katër automjete dhe një zyrtar policor në Malishevë, duke lënë të plagosur rëndë policin dhe pesë persona të tjerë. I dyshuari është arrestuar.
Autoritetet policore kanë publikuar hollësi shtesë lidhur me një aksident trafiku të regjistruar mbrëmë në rrugën “Ibrahim Mazreku” në Malishevë.
Sipas njoftimit zyrtar, rreth orës 20:20, një drejtues mjeti duke lëvizur me shpejtësi të papërshtatshme ka humbur kontrollin dhe ka përplasur katër automjete. Gjatë këtij incidenti, është goditur edhe një efektiv i policisë që ndodhej në vendngjarje për të menaxhuar qarkullimin rrugor.
Pas goditjes, zyrtari policor ka marrë lëndime të rënda trupore, ndërsa pesë persona të tjerë kanë kërkuar ndihmë mjekësore.
Shoferi i dyshuar është vënë në pranga dhe, pas marrjes së trajtimit mjekësor, me urdhër të prokurorit kompetent është dërguar në qendrën e mbajtjes. Ekipet e specializuara të trafikut po vijojnë hetimet për të zbardhur plotësisht shkaqet dhe dinamikën e ngjarjes.