Kroaci: Sekuestrohen 43 orë dore të padeklaruara nga një shtetas i Kosovës
Autoritetet doganore në Kroaci kanë ndaluar futjen e paligjshme të 43 orëve të dorës nga një shtetas kosovar, duke i shqiptuar atij një gjobë prej 6 mijë eurosh.
Autoritetet e doganës në pikën kufitare 'Karasoviqi' kanë bërë të mundur parandalimin e një tentative për futjen e paligjshme të mallrave në territorin e Bashkimit Evropian, ku është përfshirë një shtetas nga Kosova. Ngjarja, e cila është bërë publike së fundmi nga autoritetet kroate, ka ndodhur më 7 gusht 2026.
Gjatë kontrolleve të intensifikuara në trafikun e udhëtarëve, zyrtarët doganorë ndaluan një automjet me targa kroate që drejtohej nga një shtetas i Kosovës, i cili jeton në Kroaci. Gjatë kontrollit të detajuar të mjetit, në një valixhe të vendosur në sediljen e pasme, u zbuluan 43 orë dore të markave të ndryshme që nuk ishin deklaruar zyrtarisht.
Si pasojë e kësaj shkeljeje, drejtuesit të automjetit iu dorëzua një urdhër kundërvajtës dhe u ndëshkua me një gjobë prej 6.000 eurosh. Po ashtu, autoritetet ndërmorën masën mbrojtëse të konfiskimit të menjëhershëm të mallrave të padeklaruara.